Мадриднинг "Реал" клуби ҳужумчиси Килиан Мбаппе бўлажак ўйинда Франция терма жамоаси сафида майдонга тушмайди.
"Уч ранглилар" сардори Озарбайжон терма жамоаси билан баҳсда жароҳат олиб, 83-дақиқада алмаштирилди. L’Equipe хабарига кўра, Мбаппе тез орада Мадридга қайтади. У душанба куни Исландия билан бўлиб ўтадиган ЖЧ-2026 саралашида иштирок эта олмайди.
Маълумотларга қараганда, Килиан Мбаппе яқинда "Реал" сафида "Вильярреал"га қарши ўйинда бўлгани каби яна ўнг оёғининг тўпиғидан жароҳат олган. Тиклаш муддатлари ҳақида ҳозирча маълумот берилмаган.
Унда Франция терма жамоаси озарбайжонлик рақибларини мағлубиятга учратди - 3:0. Мбаппе гол ва ассистни ўз ҳисобига ёздириб қўйди.
