"Манчестер Юнайтед" ярим ҳимоячиси Бруну Фернандеш "Ан-Наср" ҳужумчиси Жоау Феликснинг ўйини ҳақида гапирди.
25 ёшли футболчи Саудия Арабистонида "Челси"ни тарк этганидан сўнг ўзини кўрсатди - айнан у ҳозирда бешта гол билан чемпионат тўпурарлари рўйхатини бошқармоқда.
"Жоау - ажойиб ўйинчи, сўнгги йилларда у ўз ўрнини топишга ҳаракат қилди. Биз ундан мамнунмиз, у жамоамизга нима бера олишини жуда яхши биламиз. Энди у ўзига ишонч ҳосил қилди. Сўнгги икки ўйинда бунга амин бўлдим ва бу ҳақиқатан ҳам унинг ўйинига ижобий таъсир кўрсатмоқда," - деди Фернандеш Португалия терма жамоасининг Ирландия билан учрашуви олдидан ўтказилган матбуот анжуманида.
Жоау Феликс "Ан-Наср" сафида 9 та ўйинда жами 8 та гол ва 1 та голли узатмага муаллифлик қилган.
