"Манчестер Юнайтед" сардори Бруну Фернандеш Саудия Арабистони клубларидан бирига ўтиши мумкинлиги ҳақидаги миш-мишларга муносабат билдирди.
Куни кеча "қизил иблислар" юлдузли ярим ҳимоячисини келаси ёзда катта маблағ эвазига Саудия Арабистони клубига сотишга тайёрлиги ҳақида хабарлар тарқалди.
"Саудия Арабистонидан қизиқиш? Буларнинг ҳаммасида заррача бўлса-да, ҳақиқат борми-йўқми, билмайман. Шунчаки ҳозирги кунимдан завқланишни истайман, ҳозир барча фикрларим Португалия терма жамоаси билан боғлиқ. Қачондир у ерда [Саудия Арабистонида] ўйнашимни билмайман, кейинги йил "Манчестер Юнайтед"да ўйнашда давом этаманми? Хозир қаерда бўлсам, ўша ерда бахтлиман," - деди 31 ёшли футболчи матбуот анжуманида.
Фернандешнинг "МЮ" билан шартномаси 2027 йилгача мўлжалланган.
