Жаҳон чемпионати - 2026 саралашининг гуруҳ босқичи доирасидаги ўйинда Украина терма жамоаси сафарда Исландия терма жамоасини 5:3 ҳисобида мағлуб этди. Бу натижа ҳақида "сариқ-кўклар" устози Сергей Ребров фикр билдирди.
"Жуда оғир ўйин бўлишини билардик. Йигитлардан миннатдорман - бу ерда барча жамоаларга ўйнаш жуда қийин, бу майдонда бешта гол уриш ҳақиқатан ҳам осон эмас," - деди мутахассис ОАВ вакиллари билан суҳбатда.
Меҳмондаги муваффақиятдан сўнг Украина терма жамоаси 5 очко билан ўз гуруҳида 2-ўринни эгаллаб турибди. Франция 9 очко билан пешқадамлик қилаётган бўлса, Исландия (3) учинчи поғонадан жой олган.
