"Барселона" ва "ПСЖ" каби жамоаларнинг собиқ ҳужумкор ярим ҳимоячиси Рафинья Алькантара Лионель Месси ва Неймар ўртасидаги фарқни тушунтирди.
— Месси ва Неймар ўртасидаги фарқ!?
— Мен учун Неймарни томоша қилиш ёқимлироқ эди — у ўйин билан завқланарди. Аммо Месси эса тўпни олса, деярли ҳар сафар гол урарди. 2015 йилги Чемпионлар Лигаси мавсумида Неймар энг яхшиси эди, лекин Месси ҳақида гапириш қийин — у тарихдаги энг зўр футболчи.
Машғулотларда ҳеч ким Неймардек тўп билан мўъжизалар қилмаган — ҳатто Месси ҳам. Неймар беш нафар ҳимоячини осонликча алдаб ўтарди, Месси эса зарба берган пайтидаёқ тўп дарвозага киришини билардинг», - деди 32 ёшли футболчи.
Рафинья - "Барса" тарбияланувчиси ҳисобланади. У 2007/2020 йиллар давомида каталонияликлар тизимида ҳаракат қилган. У жамоа учун 90 та ўйинда 12 та гол уриб, 8 та ассист берган.
