"Манчестер Юнайтед"га тегишли бўлган англиялик хавбек Кобби Майну Италия чемпионатига кўчиб ўтиши мумкин.
Gazzetta dello Sport хабарига кўра, 20 ёшли ярим ҳимоячини Италиянинг амалдаги чемпиони "Наполи" ижарага олмоқчи. Майнунинг ўзи "қизил иблислар" сафидаги ҳолатидан норози ва ўйин амалиётига эга бўладиган жамоага ўтмоқчи.
Майнунинг бозор нархи 50 миллион еврога баҳоланмоқда. Коббининг амалдаги меҳнат шартномаси 2027 йилнинг ярмигача мўлжалланган.
Жорий мавсумда хавбек бешта ўйин ўтказиб, битта голли узатмани амалга оширди.
