Испания терма жамоаси АҚШ, Канада ва Мексикада бўлиб ўтадиган 2026 йилги футбол бўйича жаҳон чемпионати саралашида Грузия терма жамоаси устидан ғалаба қозонди.
Испаниянинг Эльче шаҳрида кечган "E" гуруҳи учрашуви 2:0 ҳисобида мезбонлар фойдасига ҳал бўлди. Голларни Йереми Пино (24-дақиқа) ва Микель Оярсабаль (64) киритди. 29-дақиқада грузиялик дарвозабон Георгий Мамардашвили Ферран Торреснинг пенальтисини қайтарди.
Яна бир учрашувда Туркия терма жамоаси Болгария терма жамоасини 6:1 ҳисобида мағлуб этди.
Учта тур якунларига кўра, Испания терма жамоаси 9 очко билан "E" гуруҳида пешқадамлик қилмоқда. Иккинчи ўринда Туркия терма жамоаси (6), учинчи ва тўртинчи ўринларни мос равишда грузинлар (3) ва болгарлар (0) эгаллаб турибди.
