Криштиану Роналду Португалия терма жамоаси сафида сўнгги 6 ўйинда илк бор гол ура олмади.

Португалия ЖЧ-2026 саралашининг 7-турида Ирландия терма жамоасини 1:0 ҳисобида мағлуб этди. 40 ёшли ҳужумчи бу ўйинда сермаҳсул ҳаракат қилмади ва пенальтини голга айлантира олмади.

Роналду 20 мартдан бери биринчи марта миллий жамоа сафидаги ўйинда бирорта гол ура олмади - ўшанда у Дания дарвозасини ишғол қила олмаганди (0:1). Шундан сўнг, Криштиану кетма-кет 5 ўйинда гол урди - унинг ҳисобида бу даврда 6 та гол бор.