Мадриднинг "Реал" клуби ярим ҳимоячиси Арда Гюлер Туркия терма жамоаси сафида ёрқин ўйин ўтказди.
20 ёшли футболчи миллий жамоасига Болгария устидан йирик ҳисобда ғалаба қозонишга ёрдам берди (6:1), гол ва иккита ассистни ўз ҳисобига ёздириб қўйди. "Қаймоқранглилар" юлдузининг ҳисобида жорий мавсум бошидан бери клуб ва терма жамоа учун 11 та самарали ҳаракат (тўртта гол ва еттита голли узатма) бор.
Умуман олганда, Арда Гюлер Туркия терма жамоаси сафида 24 та ўйинда 6 та гол ва шунча голли узатмани амалга оширган. Футболчининг дебюти 2022 йилнинг ноябрида бўлиб ўтган.
