“Манчестер Сити” ҳужумчиси Эрлинг Холанд Норвегия термаси сафида урган голлари сонини 50 тадан оширди.
25 ёшли футболчи шанба куни Исроилга қарши ўйинда хет-трик қайд этиб, Норвегия терма жамоаси сафидаги голларини 51 тага етказди.
Холандга 50 та голга эришиш учун бор-йўғи 46 та ўйин керак бўлди - бу муваффақиятга ҳеч бир замонавий юлдуз эриша олмаган. Криштиану Роналду Португалия термасидаги 50-голини 114 та ўйинда киритган бўлса, Лионел Мессига Аргентина терма жамоаси сафида 107 та ўйин керак бўлган.
