"Ливерпуль" марказий ҳимоячиси Жо Гомесга ҳамон "Милан" қизиқиш билдирмоқда.
Англиялик футболчи ёзги трансфер ойнасида Италия клубига ўтишга яқин эди, аммо келишув барбод бўлди. Журналист Даниэле Лонгонинг маълум қилишича, яқинда "россонерилар" вакиллари 28 ёшли футболчи билан яна боғланиб, ҳамкорлик масаласини муҳокама қилишган. "Милан" январда футболчи билан шартнома имзолаш мумкинми ёки йўқлигини аниқламоқчи.
Жо Гомеснинг Transfermarkt сайтидаги нархи 20 млн еврога баҳоланган, унинг "Ливерпуль" билан амалдаги шартномаси 2027 йилнинг ярмигача мўлжалланган. Жорий мавсумда марказий ҳимоячи Арне Слот жамоаси сафида атиги учта ўйинда майдонга тушди.
