"Галатасарой" ҳужумчиси Мауро Икарди Италия клуби қизиқишлари доирасига тушиб қолди.
Миланнинг "Интер" клуби собиқ юлдузини ўз сафига қўшиб олишдан "Торино" клуби манфаатдор, дея хабар бермоқда журналист Экрем Конур. "Буқалар" вакилларининг аргентиналик агент билан музокаралари тез орада бўлиб ўтиши керак. Келаси ёзда футболчи эркин агентга айланиши мумкин - унинг "Галатасарой" билан шартномаси июнь ойи охирида тугайди.
Transfermarkt портали 32 ёшли Мауро Икардининг нархини 8 млн еврога баҳоламоқда. Ҳужумчи "Интер" сафида А Серияда 219 та ўйинда 121 та гол урган. Жорий мавсумда футболчи Туркия Суперлигасида 7 та ўйинда 5 марта рақиблар дарвозасини ишғол қилган.
