Лондоннинг "Тоттенхэм" клуби бош мураббийи Томас Франк ҳужум чизиғини кучайтирмоқчи. Бу ҳақда журналист Жеймс Девис хабар бермоқда.
Манбага кўра, "шпорлар" устозига ҳужум чизиғидаги футболчилар маъқул келмаяпти, шу боис мутахассис январь ойида янги футболчиларни ўз сафига қўшиб олмоқчи. Таъкидланишича, душанба куни раҳбарлар учрашуви бўлиб ўтади, унда қишки трансферлар муҳокама қилинади.
"Тоттенхэм" Англия Премьер-лигасининг 7 туридан сўнг 14 очко жамғаришга муваффақ бўлиб, турнир жадвалида учинчи ўринда бормоқда.













