"Барселона" тарбияланувчиси Пау Кубарси клуб афсонаси Лионель Месси билан ҳеч қачон тўқнаш келмаганини айтди.
"Мен Лео Месси билан ҳеч қачон учрашмаганман, омадим чопмаган. Мен ҳеч қачон "Камп Ноу"да тўп узатувчи бола бўлмаганман. Мен асосий жамоа билан машғулотларни бошлаганимда эса, Месси аллақачон "Барселона"ни тарк этганди," - дея Кубарсининг сўзларини келтиради Barca Universal.
Месси "Барселона"нинг асосий жамоасида 2004 йилдан 2021 йилгача ўйнаган. Бу вақт ичида аргентиналик футболчи 778 та ўйин ўтказиб, 672 та гол урган ва 303 та голли узатмани ўз ҳисобига ёздириб қўйган.
Айни вақтда 38 ёшли Месси Американинг "Интер Майами" клуби шарафини ҳимоя қилмоқда.
