"Челси" бош мураббийи Энцо Мареска Премьер-лиганинг сўнгги турида "Ливерпуль"га (2:1) қарши ўйинда майдондан четлатилгани ҳақида фикр билдирди.
"Кўклар" 95-дақиқада захирадан майдонга тушган Эстевао Вилльян томонидан киритилган гол эвазига ғалабани илиб кетди. Италиялик бош мураббий урилган голни жамоа билан нишонлади, шундан сўнг иккинчи сариқ карточкани олиб, майдондан четлатилди.
"Бу менинг "Челси"даги иккинчи мавсумим, аммо биз ҳеч қачон уй ўйинларида сўнгги дақиқада ғалабани тортиб олмаганмиз.
Қизил карточка? Ҳаммаси инстинктив равишда содир бўлди, лекин, эҳтимол, бунга арзирди," - деди Мареска.
18 октябрь, шанба куни "Челси" сафарда "Ноттингем Форест"га қарши баҳс олиб боради.
