"Интер Майами" ҳужумчиси Лионель Месси Аргентина терма жамоаси ихтиёрига қайтди.
38 ёшли футболчи "Интер Майами"нинг "Атланта Юнайтед"га қарши ўйинида иштирок этиш учун "альбиселесте" лагерини тарк этганди. Учрашувда "қўтонлар" йирик ҳисобда ғалаба қозонди (4:0), Месси эса дублга эришди ва голли узатмани амалга оширди.
Журналист Гастон Эдулнинг хабар беришича, эндиликда 8 карра "Олтин тўп" соҳиби Аргентина терма жамоаси билан машғулотларга қайтди. Чоршанба куни юлдуз фахрий Пуэрто-Рикога қарши ўртоқлик ўйинида иштирок этиши мумкин.
11 октябрь куни аргентиналиклар Мессисиз Жовани Ло Чельсонинг голи эвазига Венесуэла терма жамоасини мағлуб этди (1:0).
