"Inter Mayami" hujumchisi Lionel Messi Argentina terma jamoasi ixtiyoriga qaytdi.
38 yoshli futbolchi "Inter Mayami"ning "Atlanta Yunayted"ga qarshi o‘yinida ishtirok etish uchun "albiseleste" lagerini tark etgandi. Uchrashuvda "qo‘tonlar" yirik hisobda g‘alaba qozondi (4:0), Messi esa dublga erishdi va golli uzatmani amalga oshirdi.
Jurnalist Gaston Edulning xabar berishicha, endilikda 8 karra "Oltin to‘p" sohibi Argentina terma jamoasi bilan mashg‘ulotlarga qaytdi. Chorshanba kuni yulduz faxriy Puerto-Rikoga qarshi o‘rtoqlik o‘yinida ishtirok etishi mumkin.
11 oktyabr kuni argentinaliklar Messisiz Jovani Lo Chelsoning goli evaziga Venesuela terma jamoasini mag‘lub etdi (1:0).













