Мадриднинг "Реал" клуби форварди Килиан Мбаппе футболда рўй берган ўзгаришлар ҳақида гапирди.
"Ўйинда қандайдир ўзгаришларни сездимми? Ҳа, футбол тактик ва услубий тус олди. Мураббийлар ўйинга аввалгидан кўра кўпроқ таъсир ўтказмоқда ва бу ҳар бир жамоада сезилмоқда.
Ўйлайманки, бу футбол учун фойдали ўзгаришлар бўлиб, кўпроқ футболчиларга ўзларини топ-даражада кўрсатиш имконини беради. Авваллари ҳаммаси мураккаброқ эди," - деди француз ҳужумчиси.
Килиан Мбаппе 2024 йилнинг ёзидан бери "Реал" шарафини ҳимоя қилмоқда. Жорий мавсумда 26 ёшли футболчи Хаби Алонсо жамоаси сафида ўнта баҳсда 14 та гол урди.
