Madridning "Real" klubi forvardi Kilian Mbappe futbolda ro‘y bergan o‘zgarishlar haqida gapirdi.

"O‘yinda qandaydir o‘zgarishlarni sezdimmi? Ha, futbol taktik va uslubiy tus oldi. Murabbiylar o‘yinga avvalgidan ko‘ra ko‘proq ta’sir o‘tkazmoqda va bu har bir jamoada sezilmoqda.

O‘ylaymanki, bu futbol uchun foydali o‘zgarishlar bo‘lib, ko‘proq futbolchilarga o‘zlarini top-darajada ko‘rsatish imkonini beradi. Avvallari hammasi murakkabroq edi," - dedi fransuz hujumchisi.

Kilian Mbappe 2024 yilning yozidan beri "Real" sharafini himoya qilmoqda. Joriy mavsumda 26 yoshli futbolchi Xabi Alonso jamoasi safida o‘nta bahsda 14 ta gol urdi.