"Манчестер Сити" ярим ҳимоячиси Родри маълум бир шарт билан келаси йили сотиб юборилиши мумкин.

Испанияликнинг "шаҳарликлар" билан амалдаги келишуви 2027 йилнинг ярмигача мўлжалланган. Defensa Centralнинг хабар беришича, инглиз гранди раҳбарияти Родрини 2026 йилнинг ёзида 65 миллион еврога сотиш имкониятини кўриб чиқади, агар ўша вақтгача футболчи шартномани узайтирмаса. "Олтин тўп" соҳибига сўнгги ойларда Мадриднинг "Реал" клуби қизиқиш билдирмоқда, аммо "қироллик клуби" хавбек учун курашда иштирок этадими ёки йўқми, ҳозирча номаълум.

Родрининг нархи машҳур Transfermarkt сайти томонидан 110 млн еврога баҳоланмоқда. Июнь ойида Европа чемпиони 29 ёшга тўлди.