"Ювентус"нинг туркиялик ҳужумчиси Кенан Йилдиз "Ливерпуль" қизиқишлари доирасига тушиб қолди. Бу ҳақда журналист Эмре Саригул маълум қилди.
"Ливерпуль" аллақачон "Ювентус"нинг ёш ҳужумчиси Кенан Йилдиз учун курашга киришган, дея таъкидламоқда манба. Қайд этилишича, мерсисайдликлар скаутлари Туркия терма жамоасининг Болгарияга қарши ўтган ўйинида (6:1) Йилдизни кузатиб боришган ва 20 ёшли футболчи дубль қайд этган.
Йилдиз жорий мавсум "Ювентус" сафида 8 та ўйинда майдонга тушди. Бу даврда у иккита гол урди ва тўртта голли узатмани амалга оширди.
Аввалроқ, Йилдизга "Манчестер Юнайтед" қизиқиш билдираётгани маълум бўлганди.
