"Реал" ва "Ливерпуль"нинг собиқ устози Рафаэль Бенитесга Англиянинг "Ноттингем Форест" клуби қизиқиш билдирмоқда. Бу ҳақда Football Insider нашри хабар бермоқда.

Манбага кўра, "ўрмончилар" тез орада Анге Постекоглуни истеъфога чиқариш тўғрисида қарор қабул қилинса, 65 ёшли мутахассисни бош мураббийликка таклиф қилиши мумкин. Эслатиб ўтамиз, австралиялик мутахассис сентябрь ойи бошида "Ноттингем Форест"ни Нуну Эшпириту Санту ўрнига қабул қилиб олганди.

"Ноттингем Форест" Англия Премьер-лигасининг 7 туридан сўнг турнир жадвалида атиги 5 очко жамғарган ҳолда 17-ўринда бормоқда.

18 октябрь, шанба куни "ўрмончилар" ўз майдонида Лондоннинг "Челси" клубини қабул қилади.