Испания терма жамоаси эртага Болгария билан бўладиган учрашувга 28 та расмий ўйиндан иборат мағлубиятсиз серия билан етиб келмоқда. Ғалаба ёки дуранг қайд этилган тақдирда бу кўрсаткич 29 га тенг бўлади ва жамоанинг Висенте дел Боске бошчилигидаги энг яхши мағлубиятсиз сериясига тенглашади.
Ўйин Вальядолидда бўлиб ўтади, у ерда испанлар тўртта ўйиннинг барчасида ғалаба қозонган.
Болгарияга қарши ўйинда жамоа дарвозабони Унаи Симон ҳам шахсий рекордини янгилаши мумкин. Ҳозирда дарвозабоннинг ҳисобида гол ўтказмаган 329 дақиқа бор ва эртага у Луис Энрике даврида ўрнатган 362 дақиқалик кўрсаткичдан ўзиб кетиши мумкин.
