Мадриднинг "Реал" клуби ўз академиясининг икки собиқ футболчисини жамоага қайтаришни режалаштирмоқда. Гап "Комо" ярим ҳимоячиси Николас Пас ва "Штутгарт" ярим ҳимоячиси Чема Андрес ҳақида кетмоқда.
"Қаймоқранглилар" раҳбарияти ҳимоячи Орельен Тчуаменига муносиб ўринбосар йўқлигидан хавотирда. Клуб ёш футболчиларни қайта сотиб олиш вариантини кўриб чиқмоқда.
21 ёшли Николас Пас А Серия жорий мавсумида "Комо" сафида 6 та ўйинда майдонга тушди ва 3 та гол ҳамда 3 та голли узатмага муаллифлик қилди. Ёзда 3 млн евро эвазига "Штутгарт"га ўтган 20 ёшли Чема Андрес барча турнирларда еттита ўйин ўтказиб, гол+пас тизимида "1+1" кўрсаткичини қайд этди.
