"Барселона" ҳужумчиси Ферран Торрес Испания терма жамоаси сафини жароҳат сабаб тарк этгани аввалроқ маълум бўлган эди.
Клуб 25 ёшли футболчини тиббий кўрикдан ўтказди.
«Тиббий текширувлар натижасига кўра, Ферран Торрес чап оёғининг сон орқа мушакларида зўриқиш борлиги аниқланди, аммо жароҳат аниқланмади.
Футболчи яқин кунларда енгил муолажалар олади ва соғайиш жараёнини кузатишда давом этади», - дейилади клуб баёнотида.
Торрес жорий мавсумда "кўк-анорранглилар" учун жами 10 та ўйинда 5 та гол уриб, 1 та ассист берди.













