"Barselona" hujumchisi Ferran Torres Ispaniya terma jamoasi safini jarohat sabab tark etgani avvalroq ma’lum bo‘lgan edi.

Klub 25 yoshli futbolchini tibbiy ko‘rikdan o‘tkazdi.

«Tibbiy tekshiruvlar natijasiga ko‘ra, Ferran Torres chap oyog‘ining son orqa mushaklarida zo‘riqish borligi aniqlandi, ammo jarohat aniqlanmadi.

Futbolchi yaqin kunlarda yengil muolajalar oladi va sog‘ayish jarayonini kuzatishda davom etadi», - deyiladi klub bayonotida.

Torres joriy mavsumda "ko‘k-anorranglilar" uchun jami 10 ta o‘yinda 5 ta gol urib, 1 ta assist berdi.