"Лацио" бош мураббийи Маурицио Сарри Саудия Арабистони чемпионатида амалга оширилиши мумкин бўлган ишлар ҳақида фикр билдирди.
"Мен Саудия Арабистони лигасида ишлашга рози бўлмасдим, ҳатто менга йилига 18 миллион евро таклиф қилишса ҳам. "Лацио"да бир йилда қанча пул топсам, у ерда бир ойда шунча пул топишим мумкин эди. Лекин мен доим пулга эмас, кўнгил амрига бўйсунаман, деганман. Мен ҳар доим иштиёқ туфайли футбол билан шуғулланганман ва пул учун футбол билан шуғулланишни истамайман," - дея 66 ёшли мураббийнинг сўзларини келтиради Curiosidades Europa.
Сарри ёзда "Лацио"ни қабул қилиб олганди. Унинг қўл остида римликлар 6 турдан кейин 7 очко билан Италия А Серияси турнир жадвалида 13-ўринни эгаллаб турибди.













