"Барселона" ярим ҳимоячиси Гавига "ПСЖ" бош мураббийи Луис Энрике қизиқиш билдирмоқда. Бу ҳақда E-Notícies хабар бермоқда.
Манбага ишонадиган бўлсак, Энрике 21 ёшли испаниялик хавбекнинг яна бир узоқ муддатли жароҳатига қарамай, унинг трансферини талаб қилмоқда. Эслатиб ўтамиз, аввалроқ Гави тиззасидан янги жарроҳлик амалиётини ўтказган ва бу уни бир неча ойга сафдан чиқарганди.
Янги мавсумда Гави Испания чемпионатида фақат иккита ўйинда майдонга тушишга муваффақ бўлди. Ярим ҳимоячининг ҳисобида битта самарали узатма бор.
Transfermarkt портали маълумотларига кўра, Гавининг нархи 40 миллион еврога тенг.
