"Барселона" ярим ҳимоячиси Дани Ольмонинг "Реал"га қарши ўйинда иштирок этиши эҳтимолдан холи эмас. Бу ҳақда журналист Давид Бернабеу Ревертер хабар бермоқда.
Аввалроқ, хавбек чап оёғининг болдир мушаги ёрилиб кетгани сабабли "класико"да каталонияликларга ёрдам бера олмаслиги ҳақида хабарлар тарқалган эди.
Манбага кўра, Ольмо "Жирона" ва "Олимпиакос"га қарши ўйинларни ўтказиб юборади, аммо Мадриднинг "Реал" клубига қарши ўйнашга тайёр бўлиши мумкин.
Жорий мавсумда 27 ёшли Ольмо барча мусобақаларда ўнта ўйинда майдонга тушиб, битта гол ва иккита голли узатмага муаллифлик қилди.













