"Ювентус", "Реал" ва Франция терма жамоасининг машҳур собиқ ярим ҳимоячиси, шунингдек, Мадрид клубининг собиқ устози Зинедин Зидан нима учун 34 ёшида футболдан кетишга қарор қилганига изоҳ берди.
"Вильярреал"га қарши ўйиндан кейин фаолиятимни якунлашга қарор қилганимда, бу онгли қадам эди. Кўчага чиқиш ва меҳмонхоналарда қолиш менга ёқмай қолди. Уйда ўйнаб юрганингда ҳам меҳмонхонага борардинг. Айнан шунинг учун мен 34 ёшимда фаолиятимни якунладим. Жисмоний жиҳатдан яна икки ёки уч йил давом этиши мумкин эди, аммо бу сафарлар ва йиғинларнинг барчаси чарчата бошлади," - дея Зиданнинг сўзларини келтиради La Gazzetta dello Sport.
Эслатиб ўтамиз, айни дамда мураббий узоқ вақтдан бери ишсиз юрибди. Унинг сўзларига кўра, у ўз мамлакати терма жамоасини бошқаришни орзу қилади.
