Уэльс терма жамоаси бош мураббийи Бельгияга қарши ўйиндаги пенальтилардан афсусда.
Бельгияликлар ЖЧ-2026 саралашининг 8-турида Уэльсни 4:2 ҳисобида мағлуб этишди. Бельгиянинг ўша ўйиндаги иккита голи пенальтидан киритилди. Учрашув бош ҳаками Даниэль Зиберт эди.
"Мен, албатта, ўйинчилар билан фахрланаман. Биз ўз олдимизга қўйган мақсадимизга эришишда ажойиб иш қилдик.
Мағлубиятга учраганимиздан ҳафсалам пир бўлди. Бизда жадаллик бор эди, аммо пенальти уларга куч берди, ҳатто мухлислар ҳам жим бўлишди.
Белгияга қарши иккита пенальтидан гол ўтказиб юбордик. Буни қабул қилиш қийин. Иккинчи пенальти ҳақида ҳеч қандай шикоятим йўқ. Лекин биринчиси анча аламли бўлди", деди Крейг Беллами.
