Жером Боатенг "Бавария"га янги лавозимда қайтади.
Собиқ футболчининг айтишича, у тез орада немис клубида мураббий сифатида амалиёт ўтайди. Боатенгнинг сўзларига кўра, бунинг учун қулай вақт топиш керак.
"Тез орада Венсан Компани қўл остида яна "Бавария"да амалиёт ўтайман. Мен у билан гаплашдим.
Буни сабрсизлик билан кутяпман. Фақат қулай вақт топиш керак," - деди Боатенг.
Эслатиб ўтамиз, Боатенг 2011 - 2021 йиллар давомида "Бавария" шарафини ҳимоя қилган. У клуб сафида 363 та ўйин ўтказган.
2025 йил сентябрь ойида Боатенг футболчилик фаолиятини якунлади.
