Кот-д'Ивуар ва Сенегал терма жамоалари АҚШ, Канада ва Мексикада бўлиб ўтадиган ЖЧ-2026га йўл олди.

14 октябрь куни Кот-д'Ивуар саралашнинг сўнгги ўйинида Кенияни мағлуб этди - 3:0. Франк Кессиэ, Ян Диоманде ва Амад Диалло биттадан гол урди.

Кот-д'Ивуар 26 очко билан F гуруҳида ғолиб чиқди ва ЖЧ-2026да иштирок этади.

Сенегал терма жамоаси саралашнинг сўнгги ўйинида Мавритания устидан ғалаба қозонди (4:0). Садио Мане дублни расмийлаштирди. Илиман Ндиайе ва Хабиб Диалло бир мартадан рақиб дарвозасини ишғол қилишди.

Сенегал 24 очко жамғариб, "B" гуруҳи ғолибига айланди ва у ҳам мундиалга йўл олди.