Англия терма жамоаси бош мураббийи Томас Тухель жамоанинг ўйин услуби ҳақида фикр билдирди. Сешанба куни инглизлар Латвия терма жамоасини йирик ҳисобда мағлуб этиб (5:0), сўнгги йиллардаги рекорд кўрсаткични қайд этишди. Тухелнинг сўзларига кўра, жаҳон чемпионатида бундай шиддат билан ўйнаш қийин бўлади.
"Биз мослашишимиз керак. Кундузи 40 даража иссиқ ва 8 даража ёмғирда ўйнаш умуман бир хил эмас. Иссиқда бунча югуриб бўлмайди.
Бизнинг ўйин услубимиз инглиз футбол маданиятини акс эттиради. Ўйинчилар бу услубга ўрганиб қолишган. Керак бўлганда ўзгартиришлар киритамиз," - деди Тухель BBC’га берган интервьюсида.
Англия терма жамоаси Латвия устидан қозонилган ғалабадан сўнг муддатидан аввал ЖЧ-2026 йўлланмасини қўлга киритди. Мундиал 2026 йилнинг 11 июнидан 19 июлига қадар АҚШ, Канада ва Мексикада бўлиб ўтади.
