"Ливерпуль" марказий ҳимоячиси Ибраима Конате келаси ёздаёқ эркин агентга айланиши мумкин.

Французнинг амалдаги шартномаси 2026 йилнинг июнь ойи охирида ўз ниҳоясига етади. Журналист Жеймс Пирснинг ёзишича, "қизиллар" раҳбариятининг Конате билан музокаралари қанчалик узоқ давом этса, жорий мавсум футболчи учун жамоадаги сўнгги мавсум бўлиши эҳтимоли шунчалик юқори бўлади. Айни пайтда томонлар келишувга яқин эмас, январь ойидан бошлаб эса 26 ёшли марказий ҳимоячи бошқа клуб билан шартнома олдидан келишув тузиш ҳуқуқига эга бўлади.

Ибраима Конатега "Реал", "Барселона", "Бавария" ва бошқа Европа грандлари қизиқиш билдирмоқда. Футболчи мерсисайдликлар шарафини 2021 йилдан буён ҳимоя қилиб келмоқда.