"Бавария" ҳужумчиси Харри Кейн "Тоттенхэм"га қайтиши мумкинми, деган саволга жавоб берди.

"Қайтишимга ишончим комил эмас. Мен бу ерда, Мюнхенда жуда бахтлиман. "Тоттенхэм"га қайтиш ҳозир мен ўйлаётган нарса эмас. Мен ва "Тоттенхэм" - бу абадий, мен умримнинг кўп қисмини ўша ерда ўтказдим. Мен уларнинг мухлисиман ва уларни доимо кузатиб бораман.

"Тоттенхэм" ҳаётимнинг бир қисми бўлиб қолади, аммо "Бавария"да бахтлиман. "Тоттенхэм" бу йил совринни қўлга киритганини кўриш ажойиб бўлди. У ерда кўплаб дўстларим қолди - ўйинчилар ва ходимлар орасида," - деди Кейн Daily Mail нашрига.

Эслатиб ўтамиз, "Тоттенхэм" баҳорда Европа Лигасида ғолиб чиққан эди.