"Реал"нинг 6 нафар футболчиси халқаро танаффусдан сўнг ҳам лазаретда қолмоқда. Улардан баъзилари класикогача тикланмаслиги мумкин, деб ёзади The Athletic.
"Қироллик клуби"нинг жароҳат олган футболчилари рўйхатидан ҳимоячилар Дин Хёйсен, Трент Александр-Арнольд, Ферлан Менди, Антонио Рюдигер ва Дани Карвахаль, шунингдек, вингер Франко Мастантуоно ўрин олган.
Килиан Мбаппе терма жамоа сафида кичик жароҳат олди, аммо у жиддий эмас. Шунингдек, "қаймоқранглилар" Хёйсен, Карвахаль ва Трент ҳам "Эл Класико"га қайтишига умид қилмоқда.
Қолган футболчилар, жумладан, жамоа билан машғулотларга киришган Менди ҳам сўроқ остида. "Реал" "Барселона"га қарши ўйинни 26 октябрь куни ўтказади.
