Сентябрда Португалияга қарши ўйиндан сўнг Венгрия терма жамоаси ярим ҳимоячиси Доминик Собослаи Криштиану Роналдунинг футболкасини олишни истаганди.
Бироқ Криштиану Собослаига ўз формасини бошқа футболчига аллақачон бериб юборганини айтган. Кейин Роналду Собослаига келгуси ўйиндан сўнг либосини беришга ваъда берди.
Сешанба куни Португалия ва Венгрия терма жамоалари яна тўқнаш келди ва 2:2 ҳисобида дуранг ўйнади. Ўйиндан сўнг журналистлар Собослаидан Роналдунинг футболкасини олишга муваффақ бўлганми, деб сўрашди. “Ҳа, мен олдим”, - деди Собослаи табассум билан.
