Ноябрь ойида Англия чемпионати иштирокчилари маош ва трансферларга сарфланадиган харажатларни чекловчи тизимни жорий этиш бўйича овоз беришда қатнашади. Бу ҳақда The Times нашри хабар бермоқда.
Мазкур чекловга кўра, ҳар бир клубнинг харажатлари мавсум давомида қўлга киритилган мукофот пуллари ва телевидение даромадлари миқдоридан 5 баробардан ошмаслиги лозим. Мисол учун, ўтган мавсумда 20-ўринни эгаллаган клуб ("Шеффилд Юнайтед", тахминан 109,5 миллион фунт стерлинг даромад билан) учун чеклов тахминан 550 миллион фунт стерлингни ташкил этган бўларди.
"Манчестер Юнайтед" ва "Манчестер Сити" клублари бу таклифга қарши чиқмоқда. Уларнинг фикрича, бундай чеклов уларнинг рақобатбардошлигини пасайтириши ва инглиз футболининг умумий нуфузига салбий таъсир кўрсатиши мумкин. Шунингдек, улар жарима очколарини назарда тутувчи санкциялар тизими ҳаддан ташқари қаттиқ ва адолатсиз бўлиши мумкинлигидан хавотирда эканликларини билдирмоқда.
