"Рома" вингери Матиас Соуле Италия футбол федерациясидан таклиф олганини тан олди.
Аргентиналик футболчи Италия фуқаролигига эга бўлиб, "скуадра адзурра" сафида халқаро миқёсда тўп тепиш имкониятига эга. Дарвоқе, футболчида бундай режалар йўқ - у Лионель Скалони қўл остида ўйнашни орзу қилади.
"Италия футбол федерацияси менга икки марта мурожаат қилди, бунинг учун мен жуда миннатдорман, аммо мен Аргентина терма жамоасида ўйнашни хоҳлайман. Бу мақсадга имкон қадар тезроқ эришиш учун астойдил ҳаракат қилишда давом этаман," - деди "Рома"нинг 22 ёшли вакили.
Матиас Соуле бир марта Аргентина терма жамоасига чақирилган, аммо дебют қилмаган.
