"Барселона"нинг собиқ футболчиси, ҳозирда "Ан-Наср" шарафини ҳимоя қилаётган Иньиго Мартинес Ламин Ямал ҳақида фикр билдирди.
34 ёшли ҳимоячи август ойига қадар "кўк-анорранглилар" шарафини ҳимоя қилди, шундан сўнг у Саудия Арабистонига кўчиб ўтди.
"Ямал билан "Барса"да алоҳида муносабатда бўлганман. Мен унинг отасидек эдим, у мени кийиниш хонасида ўзининг мўлжали деб биларди.
Мен унинг ёшида бу даражада ўйнай олмасдим. У елкасида қандай юк борлигини билмайди. Айтиш мумкинки, у "Барса"ни елкасида кўтариб юришга мажбур. Умид қиламанки, у буни англамайди, чунки англаш билан у қўшимча босимни ҳам ҳис қилади," - деди Мартинес интервьюсида.
Жорий йилнинг июль ойида Ламин Ямал 18 ёшга тўлди.
