Италия терма жамоаси бош мураббийи Женнаро Гаттузо агар жамоа бўлажак жаҳон чемпионатига чиқа олмаса нима қилишини тушунтирди.
"Адзуррилар" тўғридан-тўғри йўлланмани қўлдан бой бериш хавфи остида: улар саралаш босқичи якунига икки тур қолганида Норвегиядан уч очкога ортда қолмоқда.
Скандинавия терма жамоаси тўплар нисбати бўйича Италияни сезиларли даражада ортда қолдирмоқда. Шунинг учун ҳам келгуси баҳсларда фақатгина ғалаба қозонишнинг ўзи етарли бўлмаслиги мумкин.
"Агар жаҳон чемпионатига чиқа олмасак нима бўлади? Мен Италия постини тарк этаман ва жуда узоққа кетаман", - деди мураббий.
