Испания терма жамоаси ва "Реал" собиқ афсонавий дарвозабони Икер Касильяс Лионель Мессининг қўнғироғини эслади.

«2019 йилда юрак ҳуружи билан касалхонага ётқизилгандим. Эртаси куни номаълум рақамдан қўнғироқ келди, мен жавоб бердим — қўнғироқ қилган Месси эди. У шундай деди:

“Салом, Икер. Менда рақаминг йўқ эди, аммо кейин Пикедан олдим. Тезда соғайишингни тилайман, сен учун гул юбордим, умид қиламанки сенга ёқади".

Ростини айтсам, унинг камтарлиги мени ҳайратга солди — у бунга мажбур эмас эди, биз олдин дўст ҳам эмас эдик», - деди ҳозирда 44 ёшда бўлган Касильяс.