Ispaniya terma jamoasi va "Real" sobiq afsonaviy darvozaboni Iker Kasilyas Lionel Messining qo‘ng‘irog‘ini esladi.
«2019 yilda yurak huruji bilan kasalxonaga yotqizilgandim. Ertasi kuni noma’lum raqamdan qo‘ng‘iroq keldi, men javob berdim — qo‘ng‘iroq qilgan Messi edi. U shunday dedi:
“Salom, Iker. Menda raqaming yo‘q edi, ammo keyin Pikedan oldim. Tezda sog‘ayishingni tilayman, sen uchun gul yubordim, umid qilamanki senga yoqadi".
Rostini aytsam, uning kamtarligi meni hayratga soldi — u bunga majbur emas edi, biz oldin do‘st ham emas edik», - dedi hozirda 44 yoshda bo‘lgan Kasilyas.
