Португалиялик ҳужумчи Криштиану Роналду Forbes нашри талқинига кўра 2025 йилнинг энг кўп маош олувчи футболчиси бўлди. Иккинчи ўринда «Интер Майами» форварди, аргентиналик Лионель Месси жой олди.

Forbes маълумотларига кўра, 2025/2026 йилги мавсумда Роналду «Ан-Наср» клубидан жами 280 миллион доллар ишлаб топади. Бу суммага нафақат ўйинлар учун тўланадиган маош, балки клуб иштирокида тузилган турли тижорат шартномаларидан келадиган молиявий бонуслар ҳам киритилган. Шунингдек, у турли ҳамкорлардан яна 50 миллион доллар даромад олади.

Forbes талқинига кўра 2025 йилнинг энг кўп маош олувчи футболчилари:

1. Криштиану Роналду («Ан-Наср») — $280 млн
2. Лионель Месси («Интер Майами») — $130 млн
3. Карим Бензема («Ал-Иттиҳод») — $104 млн
4. Килиан Мбаппе («Реал») — $95 млн
5. Эрлинг Холанд («Манчестер Сити») — $80 млн
6. Винисиус («Реал») — $60 млн
7. Мухаммад Салоҳ («Ливерпуль») — $55 млн
8. Садио Мане («Ан-Наср») — $54 млн
9. Жуд Беллингем («Реал») — $44 млн
10. Ламин Ямал («Барселона») — $43 млн.