Европанинг етакчи лигаларида мавсум якунида "Олтин бутса" учун курашадиган асосий тўпурарлар учлиги ажралиб турибди. Гап "Манчестер Сити"дан Эрлинг Холанд, "Реал"дан Килиан Мбаппе ва "Бавария"дан Харри Кейн ҳақида кетмоқда.
Пенальтидан урилган голларни олиб ташласак, норвегиялик тўққизта гол билан бешта етакчи чемпионат тўпурарлари рўйхатида етакчилик қилмоқда (бирорта ҳам 11 метрлик зарбадан гол йўқ), дея таъкидлайди WhoScored. Кейинги ўринда Мбаппе - ўйиндан 7та гол, учинчи ўринда Кейн - 6та гол. Тўртинчи поғонани Кристиан Пулишич ("Милан") ва Серу Гирасси ("Боруссия" Дортмунд) бўлишиб турибди - 4 тадан гол.
Дарвоқе, пенальтилардан гол уришда Харри Кейнга тенг келадигани йўқ - тўртта.
