"Барселона" Мадриднинг "Реал" клубига қарши бўлажак ўйинни бир қатор муҳим футболчиларсиз ўтказишига тўғри келади.

Дарвозабон Жоан Гарсия ва ярим ҳимоячи Дани Ольмо ҳамон жароҳатларини даволай олишмаяпти. Marca нашрининг янгиланган маълумотига кўра, иккала футболчининг ҳам "эл класико"га қайтиш имконияти деярли йўқ. Учрашув 26 октябрь куни бўлиб ўтади.

Вингер Рафинья Диас, бироз олдин хабар қилинганидек, "Реал" билан ўйинда Ханс-Дитер Флик жамоасига ёрдам бериши мумкин, аммо "Жирона"га қарши бўлажак ўйинда (18 октябрь) "кўк-анорранглилар" юлдуз бразилиялик футболчисиз ўйнаши аниқ - мураббий уни таркибга киритиш ҳақида ўйламаяпти.