"Барселона"да тўп тепган "Брага" ҳужумчиси Пау Виктор собиқ жамоадоши Ламин Ямал ҳақида фикр билдирди.
Каталония гранди 23 ёшли испаниялик футболчини жорий йилнинг июль ойида сотиб юборган эди. Трансфер "Брага"га 12 млн еврога тушган.
"Ямал - ақл бовар қилмайдиган футболчи. У машғулотларда икки томонлама ўйинда ғалаба қозонишни жуда хоҳлаган кунлари ҳеч ким бунга қарши ҳеч нарса қила олмасди. Сен шунчаки кузатиб ўтирасан. Агар Ламин тўрт кишини алдаб ўтишга қарор қилса, у шундай қиларди ва кейин тўпни дарвозага йўлларди," - дея Викторнинг сўзларини келтиради испан ОАВ.
Ламин Ямал 2023 йилда "Барса" сафида дебют қилган. Ҳозирда "кўк-анорранглилар"нинг юлдузли вингери 18 ёшда.
