"Манчестер Юнайтед" "Эвертон" ярим ҳимоячиси Жеймс Гарнер трансферини кўриб чиқмоқда.
24 ёшли футболчи жорий мавсумда ажойиб ўйин кўрсатиб, майдон марказини кучайтиришга ҳаракат қилаётган "қизил иблислар" эътиборига тушди. Журналист Экрем Конур хабарига кўра, "Манчестер Юнайтед" хавбекнинг муваффақиятларини диққат билан кузатиб бормоқда. Трансфер манкунианликлар учун жуда фойдали бўлиши мумкин, чунки инглизнинг шартномаси келаси йилнинг ўрталарида тугайди.
Жеймс Гарнер болалигидан "Манчестер Юнайтед" академиясида шуғулланган, аммо асосий жамоада атиги еттита ўйин ўтказган. 2022 йилда футболчини 10 миллион евродан кўпроқ тўлаган "Эвертон" сотиб олганди. "МЮ" тарбияланувчисининг ҳозирги нархи, Transfermarkt талқинига кўра, 18 млн еврони ташкил қилмоқда.
