"Manchester Yunayted" "Everton" yarim himoyachisi Jeyms Garner transferini ko‘rib chiqmoqda.
24 yoshli futbolchi joriy mavsumda ajoyib o‘yin ko‘rsatib, maydon markazini kuchaytirishga harakat qilayotgan "qizil iblislar" e’tiboriga tushdi. Jurnalist Ekrem Konur xabariga ko‘ra, "Manchester Yunayted" xavbekning muvaffaqiyatlarini diqqat bilan kuzatib bormoqda. Transfer mankunianliklar uchun juda foydali bo‘lishi mumkin, chunki inglizning shartnomasi kelasi yilning o‘rtalarida tugaydi.
Jeyms Garner bolaligidan "Manchester Yunayted" akademiyasida shug‘ullangan, ammo asosiy jamoada atigi yettita o‘yin o‘tkazgan. 2022 yilda futbolchini 10 million yevrodan ko‘proq to‘lagan "Everton" sotib olgandi. "MYU" tarbiyalanuvchisining hozirgi narxi, Transfermarkt talqiniga ko‘ra, 18 mln yevroni tashkil qilmoqda.













